Jæja gott fólk, við Hvanndalsbræður ætlum að spila á Græna hattinum næstkomandi föstudagskvöld.
Við gáfum út nýja plötu fyrir tæpu ári síðan og höfum nánast ekkert náð að kynna hana.
Þess vegna kom það okkur nokkuð á óvart að samanlögð hlustun á lögin á plötunni (Hraundrangi) skreið yfir 100.000 hlustanir í gær.
Við hlökkum til að spila fyrir ykkur og ef þið hafið í hyggju að mæta en eruð ekki búin að tryggja ykkur miða hvetjum við ykkur að gera það í tæka tíð.
Þetta
verða klassískir Hvanndals tónleikar með glensi og gleði út í eitt,
grafið verður ofan í katalóginn og dregið fram það skemmtilegasta sem
bandið á.