Hljómsveitin Valdimar heldur áfram að gera tilraunir til að fagna 10 ára afmæli sínu. Til stóð að halda heljarinnar afmælisveislu með stórtónleikum og tónleikaferðum en það verður að bíða betri tíma. Hinsvegar ætlum við að gera okkur glaðan dag á Græna Hattinum þann 30. október. Við ætlum að gera okkar besta til að gleyma öllum leiðindum um stundarsakir láta tónlistina endurnæra líkama og sál.
Valdimarar stefna á að vinna í nýju efni með haustinu og er aldrei að vita nema nokkur ný lög fái að fljóta með á prógramminu.
Þetta verða fyrstu tónleikar sveitarinnar á Íslandi síðan í september 2020 og er óhætt að fullyrða meðlimir sveitarinnar séu að springa úr spennu.
You sent
