Hvanndalsbræður verða eins og alltaf á fimmtudeginum fyrir versló á Græna
Hattinum. Ekki einu sinni Covid19 hefur náð að fella niður þessa hefð þar sem
giggið lenti á milli bylgja á síðasta ári, þá var þó öllu skellt í lás daginn
eftir 🙂

Þetta verða klassískir Hvanndals tónleikar með glensi og gleði
út í eitt, grafið verður ofan í katalóginn og dregið fram það skemmtilegasta sem
bandið á. Tryggið ykkur miða í tæka tíð.

Þrátt fyrir undarlegt ástand síðustu misseri, þá hafa þeir félagar í ADHD þó ekki setið auðum höndum, hafa m.a. tekið upp nýtt efni á tilvonandi plötu, ADHD 8, og spilað á nokkrum tónleikum, nú síðast í Hörpu sem hluti af vetrardagskrá jazzklúbbsins Múlinn. Á efnisskrá tónleikanna verða lög, sum glæný, önnur eldri, sum alveg hundgömul. Meðlimir ADHD eru, Óskar Guðjónsson sem leikur á saxófón, gítarleikarinn Ómar Guðjónsson, Tómas Jónsson leikur á píanó og trommuleikarinn Magnús Trygvason Eliassen.

Mikið hlakka ég til að spila með Hljómsveitinni minni á Græna Hattinum.

Mér finnst fátt skemmtilegra en að spila með vinum mínum á þessum stað, nánd, hiti og bullandi stemming. Ég mana þig til að koma

Þetta verður gaman, ég lofa allavega að spila langt yfir getu!

Bara eitt gott klassískt missa sig og dansa partý á Græna Hattinum. Hittarar, ný músík og gamlar góðar laumur. Það er langt síðan Gauti kom síðast á Græna hattinn svo það má búast við neglu.

Fyrir 10 árum fór lítill Egill upp í pontu fyrir framan fullan sal af jafnöldrum og spurði sakleysislega; eruði ekki í stuði? Við það sprakk salurinn og var þá ekki aftur snúið. Eins og stendur í landslögum þá skal ávallt halda upp á 10 ára fögnuði, þannig er ekki alveg tilvalið að skottast á hattinn og hlýða á sögur af misgáfulegum atvikum, skoðunum og spurningum sem lífið hefur upp á að bjóða? Ég verð ekki einn á ferð, heldur munu einn lítill Sindri Snær og ein lítil Edda Borg sjá til þess að skemmtunin verði ennþá skemmtilegri.

Hreimur –
Göngum í takt

Hreimur, ásamt
7.manna hljómsveit mun stíga á svið og flytja öll vinsælustu lög Hreims sem hann
hefur samið síðan 1997. Hreimur er afskaplega afkastamikill lagahöfundur og hafa
lög hans ratað á topp tíu lista landsins reglulega. Ár Lands & Sona, Made in
Sveitin & sólóferill Hreims verða gerð upp á keyrslutónleikum.

Grínistarnir Þórhallur Þórhallsson og Helgi Steinar mæta aftur til leiks
fullhlaðnir af nýju efni eftir Covid baráttuna mikla. 2 Fyrir 1 er fyrsti
uppistandstúr þeirra félaga síðan þeir skemmtu seinast fyrir áhorfendum um allt
Kína, þar á meðal í borginni Wuhan í nóvember 2019 – örfáum dögum áður en fyrsta
staðfesta smit kom upp þar á bæ.

Þórhallur er vel kunnugur
landsmönnum, ekki bara sem uppistandari og fyrrum sigurvegari Fyndnasti Maður
Íslands, heldur einnig sem útvarpsmaður og leikari. Helgi Steinar er
margverðlaunaður grínisti sem hefur ferðast með uppistand um allan heim, þar á
meðal til Rússlands, Úkraínu og Kína. Hann hefur einnig skemmt á Edinborgar
Fringe hátíðinni tvö ár í röð og séð um framleiðslu á
uppistands-heimildarþáttum.

Þetta verður sýning sem þú
vilt ekki láta fram hjá þér fara!

Toymachine
gaf út sína fyrstu breiðskífu undir lok árs 2020. Platan sem ber heitið
ROYAL INBREED var í raun yfir 20 ár í vinnslu enda var bandið á leið í
hljóðver árið 2001 þegar það hætti skyndilega störfum. En nú öllum
þessum árum síðar hefur draumurinn orðið að veruleika og verður
útgáfunni nú fagnað og frumburðinn fluttur í heild sinni.

Toymachine
sem stofnuð var á Akureyri síðla árs 1996 skipa þeir Jens Ólafsson
(söngur), Baldvin Z (tommur), Atli Hergeirsson (bassi) og Kristján
Örnólfsson (gítar).

Rokk & ról !