Ferðabók Gísla Einarssonar (en hvorki Eggerts né Bjarna) Uppistandssýning

Fimt01Feb21:00Fimt23:00Ferðabók Gísla Einarssonar (en hvorki Eggerts né Bjarna) Uppistandssýning

Klukkan

(Fimtudagur) 21:00 - 23:00

Upplýsingar

Aulahúmor og útúrsnúningar
Ferðabók Gísla Einarssonar (en hvorki Eggerts né Bjarna)

Uppistandssýningin “Ferðabók Gísla Einarssonar (en hvorki Eggerts né Bjarna) var sýnd á Sögulofti Landnámsseturs Íslands í Borgarnesi fyrir fullu húsi allt síðasta ár og eru áhorfendur á fjórða þúsund.

Forsagan er sú að árið 1752 fengu vísindamennirnir Eggert Ólafsson og Bjarni Pálsson styrk frá Danska ríkinu til að rannsaka jarðfræði Íslands, sögu, mannlíf og menningu. Síðan eru liðin mörg ár og margt breyst.

Í sýningunn fer hinn víðförli Gísli Einarsson yfir rannsóknarniðurstöður þeirra Eggerts og Bjarna og uppfærir og leiðréttir eftir því sem við á. (Samt ekki síður þar sem það á ekki við!)

Að baki þessari sýningu liggur gríðarleg vinna en það er þó þekkt í gegnum mannskynssöguna að þótt miklum tíma sé varið í ákveðin verkefni þá getur niðurstaðan samt verið ömurleg.

Í rannsóknum Gísla er nefnilega kastað til höndum eins og mögulegt er og vinnubrögð í alla staði óvönduð.
Iðulega er líka ómaklega vegið að einstaklingum, hópum og jafnvel heilu landshlutunum. Norðlendingum alveg sérstaklega, eins ósanngjarnt og það er!

Það skal þó tekið fram að markmiðið með sýningunni er alls ekki að ofbjóða áhorfendum með dónaskap. Hinsvegar er svosem ekkert gert til að koma í veg fyrir að það geti gerst.

Meira

Versla miða

Miðar eru ekki lengur í boði fyrir þennan viðburð