Mars, 2019

30Mar22:00Viðburður liðinnSúEllen á Græna Hattinum

Miðasala

Því miður eru ekki fleiri til fleiri miðar á þennan viðburð

Meira

Upplýsingar

SúEllen heldur sína fyrstu tónleika á Akureyri í 5 ár. Tónleikarnir verða á Græna hattinum laugardaginn 30. mars n.k.

Sveitin er í hörku formi eftir gegnumslátt í Bæjarbíói 9. mars síðastliðinn. Þar ætlaði allt um koll að keyra þegar stuðið náði hámarki, samt var slökkt á reykvélinni!

SúEllen kom líka nýlega fram á stórtónleikum í Hörpu og var sumum tíðrætt um að glæsilegri sveit hafi ekki sést þar á sviði frá opnun.

Á tónleikunum á Græna hattinum leikur og syngur SúEllen sín allra þekktustu lög. Drengirnir segja sögu laganna og ýmislegt fleira óvænt verður á dagskrá.

Heyrst hefur að nýr sumarsmellur verði kynntur til sögunnar og munu þeir Jói dans og Gonni rokk kynna sérhannaðan dans við lagið. Þetta er dans sem allir ættu að ráða við burtséð frá hæfileikum, fótafimi eða dansmennt.

SúEllen er örugglega ein þekktasta hljómsveit Austfjarða og þó víðar væri leitað.
Hljómsveitin var vinælust á árunum 1987-1994 og átti þá marga smelli á vinsældarlistum, má þar nefna lögin: Símon, Elísa, Kona, Ferð án enda og Þessi nótt. SúEllen hefur aldrei hætt og spilar alltaf annað slagið við hátíðleg tækfæri. Sveitin gaf út safnplötuna “Ferð án enda” 2003 og einnig leit dagsins ljós ný breiðskífa árið 2013 “Fram til fortíðar” sem fékk frábæra dóma og rötuðu lög af henni inn á vinsældarlista Rásar 2. “Gæðapopp frá Austufjörðum” er oft sagt og þeir félagar mun gera sitt allra besta til að koma því vel til skila á Græna hattinum. SúEllen spilaði mikið í Sjallanum á sínum sokkabandsárum og er búist við að gamlir Sjallaballar fjölmenni á hattinn græna.

Klukkan

(Laugardagur) 22:00

Staðsetning

Græni Hatturinn

X