Vök hefur verið áberandi í íslensku tónlistarlífi frá því að þau unnu Músíktilraunir 2013. Síðan þá hefur sveitin gefið út tvær stuttskífur (EP) og breiðskífuna, „Figure“ sem var valin ‘Raftónlistarplata ársins 2017’ á Íslensku Tónlistarverðlaununum.

Hljómsveitin Vök sendi frá sér sína aðra breiðskífu, „In The Dark“ í fyrra og í kjölfarið hóf hún ítarlegt tónleikaferðalag um Evrópu við góðar undirtektir. Vök spilaði tvisvar sinnum á Græna Hattinum á síðasta ári og heppnuðust þeir tónleikar gríðarlega vel, pakkað hús og þrusu stemning. Því kom ekkert annað til greina en að gera sér ferð aftur á Græna Hattinn og hlaða í aðra tónleika.