Hljómsveitin GÓSS (Sigurður Guðmundsson, Sigríður Thorlacius og Guðmundur Óskar) heldur tónleika á Græna hattinum, Akureyri, fimmtudaginn 29. ágúst.
Tilefnið er útgáfa á fyrstu plötu sveitarinnar, Góssentíð, en efni tónleika verða lög af plötunni í bland við önnur uppáhalds lög hljómsveitarmeðlima.

Um er að ræða hugljúfa og einlæga kvöldstund með okkar fremsta tónlistarfólki sem enginn ætti að láta framhjá sér fara.

Um hljómsveitina:
Hljómsveitin Góss er tríó, skipað þeim Sigríði Thorlacius, Sigurði Guðmundssyni og Guðmundi Óskari Guðmundssyni. Er nafn sveitarinnar einmitt sett saman úr fyrstu stöfunum í nöfnum meðlima.

Þau Sigríði Thorlacius og Sigurð Guðmundsson þarf vart að kynna en þau hafa lengi verið á meðal dáðustu söngvurum þjóðarinnar. Guðmundur Óskar er einn fremsti og fjölhæfasti bassaleikari landsins en hann hefur leikið með ótrúlegum fjölda hljómsveita, auk þess að vinna sem upptökustjóri fyrir fjölmörg verkefni.

Sveitin tengist sterkum fjölskyldu- og vináttuböndum en Guðmundur Óskar og Sigurður eru bræður, Sigríður og Guðmundur eru saman í Hjaltalín og öll þrjú hafa þau unnið saman í fjölmörgum mismunandi verkefnum. Það má því segja að það hafi verið nokkuð fyrirsjáanlegt þegar hljómsveitin GÓSS varð til sumarið 2017. Þá lét sveitin draum verða að veruleika og hélt í tónleikaferð um landið. Sveitin endurtók förina árið eftir og hefur jafnframt spilað við alls kyns tilefni um allt land.

Hvar sem sveitin hefur stigið á stokk hafa móttökurnar verið gríðarlega jákvæðar, og því fannst meðlimum sveitarinnar ekki annað hægt en að drífa sig í upptökuverið og reyna að fanga þann góða og ljúfa anda sem skapast hefur á tónleikum sveitarinnar.

Upptökur fór fram í Lágafellskirkju í Mosfellsbæ og var ákveðið að taka fyrir nokkrar af uppáhalds íslensku dægurlagaperlum hljómsveitarmeðlima, eða allt frá Ó, blessuð vertu sumarsól og Sólkinsnætur til Stjórnarinnar, NýDanskrar, Spilverk þjóðanna og alls konar þar á milli. Reyndar fær eitt lag með Leonard Cohen að fylgja með.

Helgi Björnsson hefur átt gifturíkan feril sem söngvari, leikari og athafnamaður,

Hann hefur leitt hljómsveitir eins og Grafík, SS Sól, Reiðmenn vindanna og Kokteilpinna, gefið út tónlist með þessum sveitum og í eigin nafni, og löngu orðinn samofinn þjóðarsálinni með lögum sínum og textum.

Nú, kemur Helgi með alla sína margbreytilegu hatta á Græna Hattinn og er tilhlökkunin mikil í herbúðum Helga…

“Þegar fer að skyggja, fer að birta í sálinni”, sagði gamall maður við mig í eina tíð.

Forsalan hefst lau.13.júlí á grænihatturinn.is og tix.is

Helgi Björnsson hefur átt gifturíkan feril sem söngvari, leikari og athafnamaður,

Hann hefur leitt hljómsveitir eins og Grafík, SS Sól, Reiðmenn vindanna og Kokteilpinna, gefið út tónlist með þessum sveitum og í eigin nafni, og löngu orðinn samofinn þjóðarsálinni með lögum sínum og textum.

Nú, kemur Helgi með alla sína margbreytilegu hatta á Græna Hattinn og er tilhlökkunin mikil í herbúðum Helga…

“Þegar fer að skyggja, fer að birta í sálinni”, sagði gamall maður við mig í eina tíð.

Forsalan hefst lau.13.júlí á grænihatturinn.is og tix.is

Eftir 30 tónleika hringferð um landið í sumar ætlar Mugison að enda hér í höfuðstað norðursins, Akureyri

Eiginkona hans, Rúna Esradóttir, hefur beðið hann um að taka “Mjúkison” tónleika í þó nokkur ár “bara gítar og rödd, ekkert rugl” – í anda Neil Yong og fleiri, í mesta lagi að fá einhverjar “brjálaðar” bakraddir með í nokkur lög en annars að fagna einfaldleikanum og röddinni.

“Þó þetta verði einfalt og næs þá verður þetta engin jarðaför, þetta verður fjölbreytt og skemmtilegt” segir Mugison sem er hið mesta ólíkindartól og verður spennandi að heyra og sjá hvernig hann á eftir að skemmta okkur þessa kvöldstund. Það má búast við sögum, sjónhverfingum og sprelligríni en fyrst og fremst göldróttri tónlist.

Mugison hóf ferilinn sem tölvutrúbador en eftir að Murr Murr sló í gegn 2004 hefur gítarinn legið um hálsinn á honum allar götu síðan. Það er magnað hvernig drengurinn nær að vera grófur sem gólandi Úlfur og blíður og meir í næsta lagi. Það eru fáir tónlistarmenn sem hafa náð að setja á sig jafnmargar grímur og tekist á við jafn ólíka stíla í tónlistinni, allt frá raf, rokk, blús, popp, þungarokk, kántrí, barrokk, jazz yfir í þjóðlagastíl.

Ekki missa af þessu einstaka tækifæri til þess að upplifa eitthvað nýtt og spennandi.

Forsalan hefst fim 20.júní á grænihatturinn.is og tix.is

Helga Kvam, Pálmi Óskarsson og Þórhildur Örvarsdóttir segja aftur sögur af ástinni á tónleikum á Græna Hattinum, fimmtudaginn 12. september 2019. Svo takast megi að draga upp allt hið rómantíska litróf hafa þau fengið til liðs við sig Halldór G. Hauksson trommuleikara, Kristján Edelstein gítarleikara og Stefán Daða Ingólfsson bassaleikara. Vegir ástarinnar verða rannsakaðir í þaula með hjálp alþekktra ástarsöngva; magafiðrildi, angistarkvíði, daður, óendurgoldnar tilfinningar, ástarbál, alsæla, vonsvik, harmur, ástarsorg. Og breiköppsongs, auðvitað. Gömul uppáhaldslög, Lög unga fólksins og ástfangna fólksins, lög hryggbrotna fólksins frá ýmsum tímum verða gædd nýju lífi. Væmnifóbíu verður gefið langt nef. Hláturinn þó aldrei langt undan…
Úrvalskvöldstund fyrir ástfangna og elskaða á rökkvuðu og rómantísku haustkvöldi. Allur tilfinningaskalinn í tónum og tali á tveim tímum.

Hljómsveitin Hjaltalín snýr aftur á árinu 2019 og heldur tvenna tónleika á Græna hattinum, 13. og 14. september. Tónleikarnir eru hluti af endurkomu sveitarinnar sem hefur legið í dvala undanfarin ár en stígur nú aftur fram á sjónarsviðið, og það með hvelli.

Í byrjun árs kom út lagið Baronesse og fór lagið m.a. á topp vinsældarlista Rásar 2. Hljómsveitin vinnur nú hart að nýrri plötu sem gert er ráð fyrir að komi út í lok sumars.

Á tónleikunum á Græna er ætlunin að spila bæði nýju lögin og að rifja upp þau gömlu. Brot af því besta frá ferli Hjaltalín, á besta tónleikastað landsins.

Forsalan hefst 1.maí á grænihatturinn.is og tix.is

Vegna fjölda áskorana hefur Dívu teymið á Akureyri ákveðið að halda þriðju tónleika sína á Græna Hattinum þar sem flutt verða lög sem sungin hafa verið í gegnum tíðana af P!nk, Lady Gaga, Cher, Mariah Carey og Celine Dion. Staðreyndin er sú að það er til mikið magn af fallegri og töff tónlist sem stórar kvennraddir hafa sungið svo vel síðustu áratugi.

Hljómsveitina skipa:
Hallgrímur Jónas Ómarsson – Gítar
Valgarður Óli Ómarsson – Trommur
Stefán Gunnarsson – Bassi
Jaan Alavere – Píanó

Jónína Björt – söngur
Helga Hrönn Óladóttir – Bakrödd
Guðrún Arngrímsdóttir – Bakrödd

Miðasala hefst 10.júlí á graenihatturinn.is og www.tix.is

Þuríður Sigurðardóttir á ekki langt að sækja tónlistarhæfileikana, sem eru ættarfylgja. Hún sló í gegn 16 ára þegar hún söng inn á plötu með Lúdó og Stefáni. Stuttu seinna var henni boðið í Hljómsveit Magnúsar Ingimarssonar, sem var fastráðin veitingastaðnum Röðli. Þar söng hún sex daga vikunnar ásamt Vilhjálmi Vilhjálmssyni og seinna með Pálma Gunnarssyni. Hljómsveitin gerði nokkra útvarps- og sjónvarpsþætti og Þuríður varð ein þekktasta söngkona landsins. Hún söng inn á sólóplötur, gerði eina plötu með föður sínum Sigurði Ólafssyni, tvær plötur með Pálma Gunnarssyni og eina með Ragnari Bjarnasyni. Þuríður söng með Hljómsveit Jóns Páls Bjarnsonar, stofnaði hljómsveitina Islandia, söng með Hljómsveit Ragnars Bjarnasonar og var í Sumargleðihópnum. Hún hefur starfað með fleiri hljómsveitum og sungið inn á nokkrar plötur til viðbótar. Samt ætlaði hún aldrei að verða söngkona – þetta gerðist einfaldlega fyrir hreina tilviljun.

Þegar Þuríður varð sjötug í ársbyrjun 2019 og 50 ár voru liðin frá því að fyrsta sólóplata hennar, með lögunum Ég á mig sjálf og Ég ann þér enn, kom út fagnaði hún tímamótunum með tónleikum í Bæjarbíói. Miðarnir seldust upp á skömmum tíma og eftirspurnin var slík að hún efndi til aukatónleika. Mjög góður rómur var gerður að tónleikunum enda er Þuríður í fantagóðu formi og syngur betur en nokkru sinni fyrr. Vegna fjölda áskorana hefur Þuríður ákveðið að halda fleiri tónleika og koma fram í Salnum í Kópavogi og á Græna hattinum á Akureyri, með sama mannskap og í Bæjarbíói. Það verður enginn svikinn af tónleikum með Þuríði og hennar fólki.

Hljóðfæraleikarar:
Pálmi Sigurhjartarson,
Benedikt Brynleifsson,
Gunnar Hrafnsson,
Grímur Sigurðsson
og Hjörleifur Valsson

Gestasöngvari:
Sigurður Helgi Pálmason

Forsalan hefst föstudaginn 10.maí á tix.is og grænihatturinn.is

Fimmtudagin 24. Október verða tónleikar með söngkonunni og lagasmiðnum Jónínu Aradóttur. Jónína býr í Noregi þar sem hún vinnur að tónlistinni sinni og í október ferðast hún um Ísland og heldur tónleika á nokkrum vel völdum stöðum. Tónleikarnir verða lágstemmdir þar sem Jónína deilir með okkur nokkrum vel völdum lögum úr eigin safni í bland við falleg íslensk dægurlög. Jónína hefur spilað og komið fram víða á Íslandi, sem og í Danmörku og Bandaríkjunum. Hún sundaði nám við Musicians Institute í Los Angeles þar sem hún lauk Associate in Art and Performance gráðu árið 2013.