Bríet

Bríet er margverðlaunuð tónlistarkona best þekkt fyrir lögin sín “Esjan”,
“Feimin(n)” og “Rólegur kúreki”. Hún er fjölhæfur hljóðfæraleikari sem skrifar
og flytur sín eigin lög, en hún hefur einnig unnið með mörgum tónlistarmönnum í
gegnum tíðina. Bríet hefur mestmegnis unnið með lagahöfundinum og
upptökustjóranum Pálma Ragnari Ásgeirssyni.

Fyrsta breiðskífa Bríetar
“Kveðja, Bríet” var valin besta plata ársins á Íslensku Tónlistarverðlaunum
2021. Sama ár vann hún einnig í flokkunum söngkona ársins og textahöfundur
ársins.

Bríet ætlar nú að stíga á svið í Græna Hattinum ásamt Magnúsi
Jóhanni hljómborðsleikara og Bergi Einari trommara og skapa einstaka
stemningu!

“Ég elska litinn gulann. Ég elska fólk sem hlær og ég dýrka
blóm. Ég var 17 ára þegar ég gaf út fyrstu smáskífuna (EP) mína og öll tónlistin
mín er um ástina á einn eða annan hátt”.