Desember, 2018

08Des22:00Viðburður liðinnJón Jónsson og Friðrik Dór

Miðasala

Því miður eru ekki fleiri til fleiri miðar á þennan viðburð

Meira

Upplýsingar

Halló Akureyri – Bræðurnir Jónssynir á Græna.

Bræðurnir Jón Jónsson og Friðrik Dór hafa þekkst allt frá því að sá síðarnefndi fæddist. Þeir eru einstaklega góðir vinir og eiga sömu mömmuna og sama pabbann. Í nokkur ár hafa þeir bræður haldið saman tónleika í aðdraganda jóla og verður engin breyting á því í ár.

Laugardagskvöldið 8. Desember ætla þeir að halda tónleika á Græna hattinum.
Þar munu þeir flytja öll sín vinsælustu lög í bland við önnur og því ekki ólíklegt að lög eins og Á sama tíma, á sama stað, Í síðasta skipti, Gefðu allt sem þú átt, Hlið við hlið og All, You, I fái að hljóma á hattinum fagra.

Þá eru töluverðar líkur á því að þeir bræður spjalli eilítið á milli laga og má búast við að það verði ekki margt viturlegt sem þeir deili með áhorfendum en skemmtilegt verður það.

Svo skömmu fyrir jól hefur jólaandinn heltekið þá bræður og því er það einlæg von þeirra að fólk gangi út með bros á vör og kærleik í hjarta.

Forsalan hefst mið.14.nóv. á grænihatturinn.is og tix.is

Klukkan

(Laugardagur) 22:00

Staðsetning

Græni Hatturinn

X