Lögin úr leikhúsinu
Fimt02Maí21:00Fimt23:00Lögin úr leikhúsinu
Upplýsingar
Leikararnir, Árni Þór, Einar, Katrín Mist og Þórunn Arna munu trylla lýðinn með lögunum úr leikhúsinu sem allir þekkja. Farið verður yfir víðan völl og uppáhalds leikhúslög leikaranna flutt – og hver
Upplýsingar
Leikararnir, Árni Þór, Einar, Katrín Mist og Þórunn Arna munu trylla lýðinn með lögunum úr
leikhúsinu sem allir þekkja. Farið verður yfir víðan völl og uppáhalds leikhúslög leikaranna flutt – og
hver veit nema þeim fylgi kjaftasögur úr sminkherberginu.
Um flytjendur:
Árni Þór Lárusson útskrifaðist sem leikari frá The London Academy of Music & Dramatic Art
(LAMDA) árið 2019. Árni þreytti frumraun sína í atvinnuleikhúsi með Leikfélagi Reykjavíkur þar sem
hann lék aðalhlutverkið í barnasöngleiknum Gosa á stóra sviði Borgarleikhússins. Hann hefur
talsett fyrir Assassin’s Creed Valhalla og leikið í sjónvarpi og má þar helst nefna þættina Against
the Ice og True detective.
Katrín Mist útskrifaðist sem leikari frá Circle in the Square Theater School í New York 2013 og
hefur komið að fjölda verkefna bæði í leikhúsi og sjónvarpi síðan, sem leikari, söngvari og
danshöfundur. Undanfarin ár hefur Katrín Mist starfað sem leikkona við Borgarleikhúsið og komið
þar að fjölda verkefna en má þar helst nefna sýningarnar Matthildur, Emil í Kattholti og Níu Líf.
Í janúar gaf Katrín Mist (KATA) út lagið “og ég flýg” sem sat í margar vikur á vinsældarlista Rásar 2.
Katrín Mist er Akureyringum góðkunn sem Akureyringur sjálf og eigandi DSA og DSA heilsu.
Einar Aðalsteinsson útskrifaðist með B.A. gráðu sem leikari frá The London Academy of Music &
Dramatic Art (LAMDA) árið 2010 og lauk M.F.A. prófi í söngleikjatónsmíðum frá New York
University árið 2023. Frá útskrift sem leikari hefur hann leikið á sviði (meðal annars hjá Leikfélagi
Akureyrar), í sjónvarpi, kvikmyndum og útvarpi, leikstýrt fjölda áhugaleiksýninga, verið
stundakennari og haldið fjölmörg námskeið í leiklist. Þá hefur Einar einnig fengist við þýðingar og
skrif fyrir leikhús og var söngleikur hans The Forty Elephants frumsýndur í Liverpool fyrr á þessu
ári.
Þórunn Arna Kristjánsdóttir útskrifaðist frá tónlistardeild Listaháskóla Íslands árið 2006 og
fjórum árum síðar lauk hún B.F.A. gráðu frá leiklistardeild sama skóla. Frá útskrift hefur Þórunn
unnið bæði í Þjóðleikhúsinu og Borgarleikhúsinu. Meðal nýlegra verkefna hennar má
nefna Fyrrverandi, Macbeth, Fúsa og X. Hún hefur einnig leikstýrt (Ofurhetjumúsinni, Emil í
Kattholti og Fíasól gefst aldrei upp) sem og skrifað leikgerðir. Þórunn hefur hlotið tilnefningu Grímunnar bæði fyrir leik og söng.
Meira