Villi Neto og Stefán Ingvar gera upp æsku sína, menntun og uppeldi í nýrri uppistandssýningu.

Villi ólst upp í hitanum í Portúgal – heitu loftslagi og heitu félagslífi. Flutti síðan til Íslands 14 ára gamall í kuldann, kalt loft og fáa vini. Hann hefur verið í menningarsjokki síðan. Stefán Ingvar var skakkur frá því að hann var 16 ára þangað til að hann rankaði við sér 22 ára gamall, í sviðslistanámi, og dreif sig í meðferð. Síðan þá hefur hann reynt að vinna úr gremjunni sinni en það gengur ekkert vel.
Kynnir kvöldsins er Hákon Örn Helgason, hann er sviðslistamaður og spunaleikari í Improv Ísland.

Villi og Stefán hafa gert fullt af hlutum saman, enda hafa þeir verið bestu vinir í síðan í menntaskóla!. Þetta er í fjórða sinn sem þeir koma fram á uppistandskvöldi saman. Þeir hafa t.d. troðið tvisvar upp með uppistandshópnum Fyndnustu mínum á Hard Rock café fyrir troðfullum sal og öllum fannst ógeðslega gaman.

Endurmenntun var frumsýnd í Tjarnarbíó 28. nóvember og fara þeir nú á túr með sýninguna á Græna hattinn á Akureyri, Frystiklefann á Rifi og ljúka síðan sýningum í gamla nýlistasafninu á Kex hostel. Síðast seldist upp löngu fyrir sýningu og við gerum ráð fyrir því að það verði stappað aftur og ekkert minna skemmtilegt en síðast.

UZZ ÞETTA VERÐUR EITTHVAÐ !!!!!
Takið kvöldið frá og spennið á ykkur gaddabeltin , menn komnir af léttasta skeiði ætla að spíta í lófana og sína það og sanna að rokkið lifir svo lengi sem hjartað slær.

Þann 28.nóvember ætla að leiða saman hesta sína á Græna hattinum þrjár hljómsveitir sem allar eru í rokkaðri kantinum.
Þetta eru hljómsveitirnar LOST frá Akureyri sem sendi frá sér plötuna „Fastir í fegurðinni“ á síðasta ári.
Hinar tvær hljómsveitirnar koma af höfuðborgarsvæðinu.
Það er annars vegar rokkhundarnir í Skepnu sem gaf nýlega út plötuna „Dagar heiftar og heimsku“ og hins vegar hljómsveitin Nýríki Nonni sem einnig er ný búin að senda frá sér plötu sem heitir „För“.
Það má búast við kraftmiklu kvöldi þar sem rokkið mun ráða ríkjum.

Söngvaskáldin Ragnheiður Gröndal, Kristjana Stefáns og Svavar Knútur halda sína árlegu jólatónleika undir yfirskriftinni Eitthvað fallegt. Tónleikarnir heita eftir samnefndri hljómplötu þeirra sem kom út hjá Dimmu útgáfu árið 2014. Á tónleikunum kennir ýmissra grasa úr jólagarðinum, bæði verða flutt sígild íslensk jólalög og frumsamin eftir listafólkið og er áherslan lögð á látleysi, einfaldleika og einlægni í flutningi. Allur hljóðfæraleikur er í höndum tríósins og er hljóðheimnum þannig haldið eins lágstemmdum og mögulegt er. Ragnheiður, Kristjana og Svavar leggja uppúr því að stemmningin á tónleikunum verði líkust kvöldvöku eða góðri samverustund. Þetta á því að vera hin fínasta stund fyrir alla fjölskylduna. Miðaverð 4.000 kr. og miðasala er á tix.is og á grænihatturinn.is

Hluti ágóða tónleikana rennur til góðgerðamála

Það er hér með gjört heyrinkunnugt að tónleikar Prins Jóló verða haldnir á Græna hattinum föstudagskvöldið 6. desember. Í för með Prinsinum verða Benedikt Hermann Hermannsson og Björn Kristjánsson. Saman ætla þeir að leika skástu lög Prinsins í hátíðlegum útgáfum og dusta rykið af nokkrum þolanlegum jólalögum úr eigin smiðju. Taktu 6. desember frá til að eiga heilaga stund með hirðinni.

The Vintage Caravan halda uppi fjörinu á Græna Hattinum Laugardagskvöldið 7. Desember. Strákarnir verða nýkomnir af þriggja vikna tónleikaferðalagi með Sænsku rokkrisunum úr Opeth og verða í fanta spilaformi. Hljómsveitin lofar góðu stuði og mun leika efni af öllum fjórum breiðskífum sínum og jafnvel leika glænýtt lag eða tvö.

Tvennir seinustu Græna Hatts tónleikar sveitarinnar hafa verið uppseldir svo við mælum með að næla sér í miða sem allra fyrst!

Valdimar Guðmundsson þarf vart að kynna en hann hefur verið einn þekktasti og dáðasti söngvari landsins undanfarin áratug. Hljómsveit hans, Valdimar, hefur víða gert garðinn frægan og þar að auki státar hann af glæsilegum sólóferli.

Nú hefur Valdimar sett saman í stórkostlega hljómsveit með valinn mann í hverri höfn sem hefur fengið nafnið Fjölskylda.

Mætti því segja að Valdimar og Fjölskylda bjóði til hátíðartónleika á Græna Hattinum dagana 20. & 21. desember þar sem engu verður til sparað og leikin verða uppáhalds jólalög Valdimars í bland við eigið efni með hátíðarbrag.

Búast má við hugljúfum en einnig kraftmiklum tónleikum, sem enginn ætti að missa af.

Miðasala hefst á graenihatturinn.is mánudaginn 23. september, kl. 10:00.

Það er fyrir löngu komin hefð á að sprelligosarnir í Hvanndalsbræðrum spili á Græna Hattinum á annan í jólum og engin undantekning verður þar á í ár. Þeir munu láta öllum illum látum og flytja öll sínu þekktustu lög í bland við önnur óþekktari. Það er tilvalið að gefa miða á tónleikana í jólagjöf eða í skóinn eða bara kaupa sér miða og mæta, en bara gera það tímanlega ! Fyrsti þrír gestirnir fá dós af grænum Ora baunum sem er ómissandi með hangikjötinu.

Tónlistarmaðurinn Auður gaf út sína aðra breiðskífu í nóvember 2018 sem ber heitið Afsakanir

sem fékk frábærar viðtökur og var valin plata ársins á Íslensku Tónlistarverðlaununum.

Auður á líka eitt mest spilaðasta lag landsins þessa dagana en lagið Enginn eins og þú

hefur nú verið í toppsætum í útvarpi frá því í sumar.

Það er alltaf mikil upplifun að sjá Auður á sviði og honum hlakkar mikið til þess að heimsækja Akureyri og koma fram á Græna Hattinum í þriðja skipti!